Շրի Լանկայում ոստիկանությունը արցունքաբեր գազ եւ ջրցան մեքենաներ է կիրառել՝ խորհրդարանի շենքի մոտ հավաքած ուսանող ցուցարարներին ցրելու համար:
AP-ի փոխանցմամբ՝ ուսանողներն օրենսդիրներին քննադատում են նախագահ Գոտաբայ Ռաջապակսային եւ նրա կառավարությանը չտապալելու համար՝ երկրի՝ վերջին ժամանակների վատթարագույն տնտեսական ճգնաժամի պատճառով:
Ուսանողների գլխավորած բողոքի ակցիան մեկնարկել էր հինգշաբթի՝ խորհրդարանում կառավարության կողմից աջակցվող փոխխոսնակի ընտրվելուց հետո, ինչը որպես իշխող կոալիցիայի առանցքային հաղթանակ գնահատվեց:
Առանձին ցուցարարներ 28 օր է՝ արգելափակել են նախագահական գրասենյակը Կոլոմբոյի մայրաքաղաքում՝ Ռաջապակսայի եւ նրա ազդեցիկ իշխող ընտանիքի հրաժարականի պահանջով:
Ուրբաթ կառավարության դեմ զանգվածային ցույցերի ֆոնին փակվել են խանութները, գրասենյակները եւ դպրոցները, իսկ տրանսպորտը դադարել է գործել:
Փակվել են նաեւ գործարանները, բանկերը եւ պետական գրասենյակները, որոնց առջեւ աշխատակիցները ցույցեր են անցկացնում։ Խանութներում սեւ դրոշներ են փակցվել՝ հետեւելով արհմիությունների եւ քաղաքացիական այլ կազմակերպությունների կոչին:
