Մազ ներկելու սարսափելի հետևանքները

Լոնդոնի համալսարանի գիտնականները պնդում են, որ մազերի ներկերում պարունակվող քիմիկատները հանգեցնում են լյարդի ցիրոզի առաջացման:

Գիտնականներն այս եզրակացությունն անելիս հիմնվել են երկփուլ աշխատանքի վրա, որի շրջանակներում մասնակիցների մի խումբն ընդգրկել է 1997-2003 թթ. առաջացած բիլիար ցիրոզով տառապող 318 տղամարդ և 381 կին:

Երկրորդ խմբում եղել է 2 258 մարդ՝ այդ հիվանդությամբ տառապող մարդկանց համար աջակցության ազգային կենտրոնից:

Երրորդ խմբում եղել է պատահականության սկզբունքով ընտրված 2438 մարդ:

Բոլոր մասնակիցները բիլիար ցիրոզի հետ կապված պոտենցիալ էկոլոգիական և գենետիկ ռիսկի գործոնների վերաբերյալ անկետաներ են լրացրել:

Պարզվել է՝ աուտոիմունային հիվանդությունները, ինչպիսիք են ռևմատոիդ արտրիտը, հիպերտիրեոզը, ցիրոզը, արձանագրվել են նրանց շրջանում, ովքեր վերջին 5 տարում ամսական մեկ անգամից ոչ պակաս ներկել են մազերը:

Հետազոտությունների արդյունքները ցույց են տվել, որ ներկերի քիմիական բաղադրիչները խախտում են լեղուղիների գործառույթները, ինչը հանգեցնում է բորբոքման, լյարդի սպիների առաջացման և որպես հետևանք՝ առաջանում է լեղու արտահոսքի արգելափակում և հյուսվածքների զանգվածային անդառնալի վնասումներ, ի վերջո՝ լյարդի ցիրոզ: