Ինչպես կույս թագուհին փոխեց նորաձևության աշխարհը. թագուհուն նորաձևության գիտակ էին համարում

Եղիսաբեթ թագուհին իր ժամանակի ամենանորաձև թագուհին է եղել: Կինը սիրում էր կարմիր ու թանկարժեք հագուստ և մեծ ազդեցություն է ունեցել իր ժամանակի նորաձևության վրա:

Իր համար հագուստը ոչ միայն մարմինը ծածկելու համար էր, այլ նաև այդպես նա ինքնարտահայտվում էր և ընդգծում էր իր սոցիալական կարգավիճակը:

Երբ Եղիսաբեթը երեխա էր, նա ստիպված էր ժվարությունների միջով անցնել: Աննա Բոլեյնի մահապատժից հետո հայրը որոշեց որոշ ժամանակ մոռանալ դստեր մասին: Աղջկան այդքան էլ ուշադրություն չեն դարձրել և սպասավորները ուղղակի հին զգեստները ձևափոխել են, որոնցից վաղուց մեծացել էր փոքրիկ աղջիկը: Նրան խնամող կինը ստիպված էր գրել Քրոմվելին և թագավորին ՝ խնդրելով նրան նոր հագուստ կամ գումար ուղարկել:

Երիտասարդության տարիներին նա նույնպես ժամանակ չուներ հանդերձանքների համար, բայց թագուհի դառնալուց հետո Եղիսաբեթը կարողացավ ամբողջությամբ հագեցնել իր կիրքը գեղեցիկ հագուստի հանդեպ: Այնուամենայնիվ, նա զգեստապահարանի վրա այնքան չի ծախսել, որքան իր հայր Հենրի VIII- ը:

Վենետիկյան դեսպանը իր կառավարչին զեկուցեց, որ Անգլիայի թագուհին ուներ ավելի քան 6000 զգեստ, բայց իրականում նա պարզապես հմտորեն օգտագործում էր իր ունեցածը: Եղիսաբեթը հրամայեց փևափոխել իր հանդերձանքները, անգամ կոճակները կրկին օգտագործվեցին, սակայն տարբեր զգեստների համար:

Նա հատկապես սիրում էր հագուստ նվեր ստանալ: Մեծ ուրախություն պարգևեց նրան հեռավոր Մոսկվայից թագավոր Իվան IV- ը: Նա Եղիսաբեթին մի շարք հագուստներ ու կտորեղեն նվիրեց:

Բես Հարդվիկեն թագուհուն նվեր է ուղարկել թիկնոց և ասեղնագործված շրջազգեստ: Եղիսաբեթին այնքան է դուր եկել շրջազգեստը, որ նույնիսկ դրանով դիմանկար է արել:

Եղիսաբեթը մեծ ազդեցություն է ունեցել պալատական կանանց ոճի զարգացման վրա:

Փոխվեց ամեն ինչ. թևերն ավելի լայն ձև ստացան, գոտկատեղը ավելի նեղացավ, և փեշի ձևը փոխվեց ՝ նմանվելով հարթ նրբաբլիթի: Ասեղնագործությունը մեծ տարածում գտավ: Եթե ավելի վաղ ասեղնագործությունը հիմնականում օգտագործվում էր զգեստի կամ ներքնազգեստը զարդարելու համար, և դա սովորաբար բարակ մեկ գունավոր ասեղնագործություն էր ՝ կարմիր կամ սև թելերով, ապա թևերն ասեղնագործված էին ամբողջովին:

Հագուստը, որը թագուհին այլևս չէր կարող կրել, նվեր կարող էին ստանալ նրանք, ում ցանկանում էր պարգևատրել: Արքայական հանդերձանքներից մի քանիսը նվիրաբերվել են եկեղեցուն կամ փոխվել և նորից օգտագործվել: Կիսաշրջազգեստից կարելի էր պատրաստել սփռոց կամ բարձի ծածկ:

Շատ մարդիկ ճիշտ էին համարում Եղիսաբեթի մշակած ռազմավարությունը: Կինը ավելորդ գումար դուրս չէր գրում, այլ ունեցած հագուստը ձևափոխում ու նորից կրում կամ օգտագործում էր այլ նպատակի համար:

Ահա այսպես էլ հեղաշրջում կատարեց նորաձևության մեջ: